Акыркы күндөрү коомчулукта Кыргыз Респуликасынын мамлекеттик символдорунун бири болгон мамлекеттик туунун айланасында талкуу кызыды. Мамлекеттик тууну өзгөртүү боюнча мыйзам долбоору коомдук талкууга коюлду. Аталган маселе "Азаттыктын" "Арай көз чарай" телепрограммасында талкууланды. Ага Кыргыз Республикасынын эл сүрөтчүсү, мамлекеттик туунун авторлорунун бири Бекбосун Жайчыбеков, Жогорку Кеңештин депутаты Мирлан Самыйкожо жана эксперт Миржан Балыбаев катышты.